Ambasadori bullgar Angel Angelov, vizitoi Tetovën

Sot prita në takim Ambasadorin e Republikës së Bullgarisë në vend z. Angel Angelov, tha kryetarja e komunës së Tetovës Teuta Arifi. Së bashku shqyrtuam mundësinë e bashkëpunimit dhe realizimit të programeve kooperative në kuadër të iniciativës Town Twinning me qytete nga Republika e Bullgarisë.

SOT, SHËNOHET  DITA BOTËRORE E UJIT

Dita Botërore e Ujit sot do të shënohet me një sërë ngjarjesh në vend. Do të mbahen debate, punëtori dhe projeksione filmash, nën ujë do të pastrohet liqeni i Matkës ndërsa do të vizitohet edhe burimi Rahçe.

 Takimi i dytë i Komitetit të Përbashkët të Ekspertëve nga Maqedonia e Veriut dhe Greqia

Komiteti i Përbashkët Ndërdisiplinor i Ekspertëve (KPNE) për çështje historike, arkeologjike dhe arsimore, nesër dhe pasnesër në Shkup do ta mbajë mbledhjen e dytë, kumtojnë nga MPJ-ja, njoftoi korrespondentja e MIA-së në Athinë. Zëvendësministri i Punëve të Jashtme të Greqisë, Markos Bollaris i cili njëkohësisht është edhe në krye të komisionit nga ana greke, nesër dhe pasnesër (22 dhe 23 mars) do të jetë në Shkup, ndërsa do të marrë pjesë edhe në pritjen që e organizon Zyra greke në lidhje me rastin e 25 marsit, festa kombëtare e Greqisë. Mbledhja e parë e Komitetit të Përbashkët Ndërdisiplinor të Ekspertëve për çështje historike, arkeologjike dhe arsimore u mbajt në Selanik, më 2 nëntor vitin e kaluar. Nga Ministria e Punëve të Jashtme të Greqisë kumtojnë se delegacioni grek që merr pjesë në këtë komitet përbëhet nga profesorët Spiridon Sfetas, Nikollaos Zaikos, Iakovos Mihailidis, Atina Skulariki, Atanasios Lubas dhe këshilltari i MPJ së greke, Eftimios Harlavtis.

Parlamenti grek së shpejti do ta ratifikojë marrëveshjen për hapjen e vendkalimit kufitar në Prespë

Para Pashkëve, Marrëveshja për hapjen e vendkalimit kufitar Lemos – Markova noga në rajonin e Prespës, do të ratifikohet nga Parlamenti grek, paralajmëroi ministrja alternative e Punëve të Jashtme e Greqisë, Anastasia Anagnostopulu, në një deklaratë me rastin e letrës së dërguar deri tek ajo nga kryetari i Prespës, në të cilën ai kërkon që marrëveshja e nënshkruar të bëhet vetëm në letër, njofton korrespondetja e MIA-s nga Athina.

Delegacioni i kryesuar nga Talat Xhaferi, viziton Skocinë

Kryetari i Kuvendit të Republikës së Maqedonisë së Veriut, Talat Xhaferi, kryetarja e Komisionit për Financa dhe Buxhet, Liljana Kuzmanovska dhe Sekretari i përgjithshëm, Cvetanka Ivanova,prej më 20 deri 22 mars janë në vizitë studimore në Edinburg, Skoci.

Regjistrohet viktima e 16 nga aksidenti në Llaskarcë, 19-vjeçarja ndërron jetë

Është regjistruar edhe viktima e 16 e aksidentit tragjik të 13 shkurtit në Llaskarcë. Bëhet fjalë për vajzën 19 vjeçare, e cila ishte në gjendje kritike që nga momenti kur ndodhi aksidenti, ndërsa për ta shpëtuar mjekët vendosën t’i amputojnë njërën këmbë, e cila nga dëmtimi i madh, i rrezikonte atëherë jetën.

Please publish modules in offcanvas position.