Qeveria e SHBA-së lëshoi 1,1 milion dollarë për zvogëlim të përhapjes së virusit Kovid-19 në Maqedoninë e Veriut

Qeveria e SHBA-së lëshoi 1,1 milion dollarë për zvogëlim  të përhapjes së virusit Kovid-19 në Maqedoninë e Veriut. SHBA-ja përmes  Agjencisë amerikane për zhvillim ndërkombëtar (USAID) i siguron këto fonde  deri te Organizata Botërore e Shëndetësisë dhe Fondi i Fëmijëve të Kombeve të Bashkuara – UNICEF për implementim të aktiviteteve për mbështetje të përpjekjeve të autoriteteve për ballafaqim me Kovid-19.

USAID është në koordinim të ngushtë me Qeverinë e Maqedonisë së Veriut, partnerët humanitar ndërkombëtar dhe palët tjera të rrezikuara për identifikim të rajoneve të cilat janë prioritare.

“Në këtë kohë të pasigurisë dhe shqetësimit, puna së bashku është më e rëndësishme se kurrë më parë. Jam e bindur se mbështetja e siguruar  me këtë pako të ndihmës do të japë  kontribut të qëndrueshëm në luftën e Maqededonisë së Veriut kundër Kovid-19”, deklaroi  ambasadorja amerikane në vend, Kejt Meri Bërnz.

Me ndihmën amerikane mbështetje do të jepet në përforcimin e laboratorive për përgatitje të sistemit laboratorik për zbatimin  e më shumë testeve për Kovid-19,  monitoring dhe përgjigje e shpejtë e rasteve me Koivd-19,  dhe mbikqyrje adekuate e  të sëmurëve. Ndihma është kahëzuar edhe për trajnime dhe organizim të ekipeve për  përgjigje të shpejtë gjatë  hulumtimit të rasteve, vetëdijësimit të qytetarëve për hapat  që mund t’i ndërmarrin  për ta parandaluar dhe përgjigjen në përhapjen  e virusit  përmes fushatave mediatike të specifikuar, përmirësim i menaxhimit të rasteve për shkak të përforcimit  të kujdesit klinik me minimizim  të rreziqeve për bartje të mëtutjeshme te të tjerët, si dhe për parandalim të  sëmundjes dhe rritjes së kontrollit  në institucionet shëndetësore.