Mehmedoviq kërkon masa më të rrepta në Maqedoni

Mehmedoviq kërkon masa më të rrepta në Maqedoni

Mjeku Zllate Mehmedoviq kërkon masa më të rrepta për shkak se vetëm 40 për qind e popullatës është vaksinuar kundër coronavirusit.

“Duhet mbesin në fuqi masat aktuale për mbrojtje dhe të vendosen masa të reja më të rrepta për shkak se piku i virusit pritet të arrijë për 2-3 javë, në fillim ose në mes të muajit shkurt”, shprehet Mehmedoviq në intervistë për TV Shenja.

Sipas tij, arsyeja kryesore e numrit të vogël të të vaksinuarve në Maqedonisë është mosbesimi ndaj institucioneve.

Edhe pse lloji Omicron i virusit konsiderohet si formë më e lehtë e sëmindjes, mjeku Mehmedoviq paralajmëron se ky lloj shpërndahet 5 herë më shpejtë se lloji Delta i COVID-19.

Kujtojmë se që nga fillimi i pandemisë në Maqedoni janë diagnostifikuar gjithsej 254.857 raste, ndërsa prej tyre 226.409 janë shëruar dhe 8.198 kanë humbur jetën. Momentalisht Maqedonia ka 20.250 raste aktive.