Dëmet e shkaktuara nga tërmetet katastrofike në Turqi në fillim të shkurtit kanë arritur 103,6 miliardë dollarë, që është rreth nëntë për qind nga BPV i projektuar për vitin 2023, kumtoi sot Ministria e Financave në Ankara.
Kjo shumë është gjashtë herë më e madhe se dëmi i shkaktuar pas tërmetit në Marmara në vitin 1999.
Pjesa më e madhe e dëmit, 54,9 për qind është shkaktuar në ndërtesat banesore, me vlerë prej 56,9 miliardë dollarë, publikoi portali i kanalit turk "NTV".
Dëmet e objekteve publike infrastrukturore dhe komunale janë 12,9 miliardë dollarë, ndërsa në sektorin ekonomik dëmi është 11,8 miliardë dollarë.
Në atë numër janë përfshirë dëmet e bëra në energjetikë, turizëm, shëndetësi, arsim dhe sektorë tjerë.
Në tërmetet më 6 shkurt në Turqi jetën e kanë humbur rreth 50.000 njerëz.
