Ilaçi amerikan për Kovid-19 merr leje për përdorim në BE

Drejtori i Agjencisë së Barnave të BE-së Guido Rasi paralajmëroi lëshim të lejes për përdorimin e remdesivirit në trajtimin e koronavirusit të ri.

Bëhet fjalë për një produkt të kompanisë farmaceutike amerikane “Gilead”, që sipas hulumtimeve fillestare e ul kohën e hospitalizimit në rast të infektimit me koronavirusin e ri për 31 për qind lidhur me placebon.

“Është e mundur në ditët në vijim të lëshohet licencë e kushtëzuar për ilaçin”, deklaroi Rasi para Parlamentit Evropian.

Agjencia Evropiane për Barna rekomandon remdesivir në trajtimin e koronavirusit të ri për rastet më të rënda të infektimit edhe para të lëshohet zyrtarizim zyrtar për përdorim.

SHBA-ja ka dhënë leje për përdorim urgjent për remedivir në spitalet e saj më 1 maj, ndërsa hulumtimet klinike për këtë ilaç duhet të jenë gati deri në fund të muajit.