Palmer: Amerika do të mbështes çdo qeveri që do të zgjidhet dhe përkrah NATO dhe BE

Shtetet e Bashkuara presin një partner të mirë dhe të fortë në qeverinë e re të Maqedonisë Veriore, tha përfaqësuesi Special i Departamentit të Shtetit për Ballkanin Perëndimor Matthew Palmer.

”Tani është një periudhë e negociatave për të formuar një koalicion, i cili është një proces i natyrshëm në sistemet parlamentare demokratike. Nga këndvështrimi amerikan, ajo që është e rëndësishme dhe ajo që duam të theksojmë se ne presim një partner të mirë dhe të fortë në qeverinë e Maqedonisë Veriore, qeveri e cila është e angazhuar për të shfrytëzuar sa më shumë anëtarësimin në NATO, një qeveri që është e angazhuar për të udhëhequr vendin përpara në rrugën për në Bashkimin Evropian” tha Palmer.

Ai shtoi se Shtetet e Bashkuara presin që qeveria e re të angazhohet për zbatimin e Marrëveshjes së Prespës.

“Një qeveri që do të punojë për të promovuar paqen dhe prosperitetin për të gjithë qytetarët e Maqedonisë Veriore,” tha ai.