Rusia përgënjeshtron se aeroplani i saj e ka shkelur hapësirën ajrore turke, Stoltenberg me paralajmërim deri te Moska

Rusia përgënjeshtron se aeroplani i saj e ka shkelur hapësirën ajrore turke, Stoltenberg me paralajmërim deri te Moska

Ministria ruse e Mbrojtjes i përgënjeshtron pohimet e Turqisë se pardje aeroplani ushtarak rus Su-24 e ka shkelur hapësirën ajrore turke.

"Nuk ka pasur kurrfarë shkelje në hapësirën ajrore të Turqisë nga aeroplani i aviogrupit rus në Republikën arabe siriane. Pohimet e palës turke se aeroplani rus Su-34 e ka shkeulur hapësirën ajrore turke janë propagandë e pastër", deklaroi zëdhënësi i Ministrisë Igor Konashenkov.

"Jam i bindur se ekspertët turq pas mbrojtjes kundërajrore e dijnë se stacionet radiolokacuese (radarët), të cilat bëjnë kontroll të hapësirës ajrore, mund ta fiksojnë vetëm lartësinë, kursin dhe shpejtësinë e objektit në ajër. Asnjë radar nuk është i aftë ta konfirmojë llojin dhe përkatësinë shtetërore të objektit ajror, nëse ai është i Rusisë ose i koalicionit, të udhëhequr nga SHBA", tha Konashenkov.

Ai shtoi se ajo është e mundur vetëm gjatë kontaktit vizual me aeroplanin tjetër.

Ndërkohë sekretari i përgjithshëm i NATO-s, Jens Stoltenberg i bëri thirrje Rusisë t'i ndërmarrë të gjtiha masat e domosdoshme që të mos vijë deri te shkeljet e reja të hapësirës ajrore të Aleancës.

Ai konfirmoi se aeroplani ushtarak rus pardje e ka shkelur hapësirën ajrore turke edhe krahas paralajmërimeve të shumta nga autoritetet turke.

"Incidentet paraprake tregojnë se sa e rrezikshme është sjellja e tillë", thuhet në kumtesën e Stoltenberg.

"I bëj thirrje Rusisë të veprojë në mënyrë të përgjegjshme dhe tërësisht ta respektojë hapësirën ajrore të NATO-s", shtoi ai.

Stoltenberg theksoi se NATO-ja është tërësisht solide me anëtaren e saj Turqinë dhe se e përkrah integritetin e saj territorial.