Kamionët e mallrave të regjistruar në Rusi ose Bjellorusi do të ndalohen të hyjnë në Poloni, bën të ditur agjencia polake e lajmeve PAP.
Ministri i Punëve të Brendshme të Polonisë, Mariush Kaminski dje nënshkroi urdhër që ndalon hyrjen e kamionëve nga Bjellorusia në Poloni.
Kufizimi vlen për kamionë, traktorë, rimorkio dhe gjysmë rimorkio të regjistruara në Bjellorusi ose Rusi dhe do të hyjë në fuqi më 1 qershor deri në njoftimin e ardhshëm, njofton PAP.
