Kryeministri Dimitar Kovaçevski në paraqitjen e tij të sotme në Kampin Universitar në Shkup tha se pret që sipas metodologjisë së re, deri në mars të 2023, pensionet në vend të rriten për 16 për qind, përcjell TV21. Kovaçevski tha se vetëm për këtë vit, pensionet janë rritur për 10 për qind.
“Shikoni, nga ky muaj ne kemi rritje të pensioneve për mbi 6 për qind, bashkë me rritjen e kaluar, kjo është 10 për qind rritje pensioneve vetëm në këtë vit kalendarik, ndërsa në nivel vjetor, me rritjen që do të vijojë në mars, rritja me siguri do të jetë në nivel të 16 për qind”, tha mes tjerash Kovaçevski.
