Osmani-Stjuart: Maqedonia e Veriut u shndërrua në destinacion serioz për investime

Osmani-Stjuart: Maqedonia e Veriut u shndërrua në destinacion serioz për investime

Zëvendëskryetari i Qeverisë për Çështje Evropiane, Bujar Osmani sot kishte takim me Ambasadoren e Australisë për Maqedoninë e Veriut, Rut Stjuart në të cilin debatuan temat lidhur me integrimet evropiane të vendit dhe statusi i reformave të zbatuara, po ashtu u diskutuan edhe potencialet për bashkëpunim mes Maqedonisë së Veriut dhe Australisë në disa segmente.

 

Osmani, siç informojnë nga kabineti i tij, në takim theksoi se Maqedonia e Veriut është realiteti i ri i Ballkanit – vend që nga kriza e thellë politike u bë lider në rajon në zbatimin e reformave për integrime evropiane dhe vend që i mbylli çështjet më të mëdha bilaterale me fqinjët.

Ai theksoi se krijimi i të a.q. “trak rekord” respektivisht rezultatet e dukshme nga reformat e zbatuara janë dëshmi për atë që është punuar në kuadër të procesit euro- integrues.

“Në këtë periudhë, kur integrimi euro- atlantik i vendit tani më është i sigurt, Maqedonia e Veriut bëhet vend stabil politik dhe ekonomik për investitorët e huaj, dhe në mënyrë plotësuese ofron përparësi konkurruese për tërheqjen e investitorëve, duke pasur parasysh se vendi disponon me kuadro të kualifikuar”, theksoi Osmani.

Osmani dhe Stjuart, u dakorduan se bashkëpunimi bilateral mes Maqedonisë së Veriut dhe Australisë ka potencial për zgjerim dhe thellim në disa sfera, ku, në këtë drejtim, u theksuan mundësitë për shfrytëzim e ndihmës zhvillimore bilaterale të Australisë.

Tema e diskutimit ishte edhe intensifikimi i shkëmbimit tregtar, për të cilën bashkëbiseduesit u dakorduan se është në nivel shumë të ulët prej vetëm 9,7 milionë dollarë amerikan, krahas rritjes së eksportit të produkteve nga vendi për 28 për qind.

Në fund, u theksua se ekziston mundësia edhe për lehtësimin e regjimit të vizave, që do të ishte e rëndësisë së veçantë për të dy vendet, si për shkak të diasporës të numërt nga Maqedonia në Australi, po ashtu edhe në drejtim të përmirësimit të bashkëpunimit mes dy vendeve në përgjithësi.

Please publish modules in offcanvas position.