Ohër: Zaev, Rama dhe Vuçiç përcaktojnë përparësitë për bashkëpunimin rajonal

Ohër: Zaev, Rama dhe Vuçiç përcaktojnë përparësitë për bashkëpunimin rajonal

Kryeministri Zoran Zaev, së bashku me presidentin serb Aleksandar Vuçiç dhe kryeministrin shqiptar Edi Rama nënshkruan një deklaratë sot në Ohër me një listë të përparësive dhe masave për të përmirësuar bashkëpunimin rajonal, shkruajnë mediat maqedonase.

Takimi i sotëm trepalësh i parapriu takimit të liderëve të Ballkanit Perëndimor që do të mbahet ditën e nesërme.

Kjo deklaratë me një listë të përparësive dhe masave vjen pas takimit të tyre të mëparshëm të përbashkët në Novi Sad.

Në zemër të deklaratës është bashkëpunimi, angazhimi i përbashkët dhe eleminimi i të gjitha pengesave për lëvizjen e lirë të njerëzve, mallrave, shërbimeve dhe kapitalit, si një kontribut për qytetarët e të gjitha vendeve të rajonit në arritjen e një qëllimi të përbashkët përfundimtar – anëtarësimin e plotë në BE.

“Angazhimi për intensifikimin e bashkëpunimit në bazë të një deklarate të miratuar bashkërisht pritet në pikat e kalimit kufitar, përveç kontrolleve të përbashkëta doganore, do të ketë bashkëpunim të përbashkët për kontrollet fitosanitare, si dhe lëvizjen e lirë të qytetarëve në të tre vendet vetëm me kartat e identitetit” thuhet në deklaratën e zyrës për shtyp të Zaev.

“Deklarata shpall mundësinë e tregut të hapur dhe qasje në iniciativat e biznesit në të gjithë rajonin, pavarësisht se ku janë vendosur ndërmarrjet, krijimin e vendeve të reja të punës dhe inkurajimin e potencialit të përgjithshëm të rritjes. Kjo iniciativë hap mundësi të mëdha për të rinjtë të lidhen me reputacionin e modelit evropian të zbatimit të standardeve të BE-së me synimin e përparimit ekonomik të vendeve të Ballkanit Perëndimor dhe transformimit të përgjithshëm demokratik “, thuhet më tej në deklaratë.

Lajmet e fundit

Zaman Maqedoni

ZAMAN.MK ©
1994 - 2020 - TË GJITHA TË DREJTAT JANË TË REZERVUARA.
Materialet në këtë faqe nuk mund të përdoren pa lejen paraprake të redaksisë.