Ministrat e jashtëm te BE-së, sot diskutojne për Maqedonine e Veriut dhe Shqipërinë

Ministrat për Punë të Jashtme të vendeve të BE-së, sot në Bruksel do të bisedojnë për metodologjinë e re për negociatat anëtarësuese të propozuara nga Komisioni Evropian, por nuk do të miratojnë përfundime derisa nuk publikohen raportet e progresit për Shkupin dhe Tiranën.

Në rend dite të Këshillit për Punë të Përgjithshme të BE-së sot janë paraparë edhe diskutime për samitin e radhës të liderëve dhe për negociatat për partneritetin e ardhshëm të BE-së me Mbretërinë e Bashkuar. 

Pasi të përfundojnë këto diskutime, ministrat parashohin pikë informative dedikuar metodologjisë së re për zgjerim, që e publikoi Komisioni Evropian para disa javëve.

Pritet të përsëritet që reformat në metodologjinë të zhvillohen paralelisht me hapjen e negociatave me Maqedoninë e Veriut dhe Shqipërinë, por nuk do të mund të sjellin asnjë përfundim, derisa vendet anëtare nuk e shqyrtojnë raportin e progresit për këto vende.

Raportet e Komisionit Evropian për Shkupin dhe Tiranën pritet të publikohen javën e ardhshme, në mes 2 dhe 5 mars, sipas informacioneve nga Këshilli i BE-së