Do të rrënohet stadiumi legjendar “San Siro”, nuk ka vlerë kulturore

Stadiumi “Xhuzepe Meaca” ose “San Siro”, duhet së shpejti të rrënohet.

Stadiumi, ku luajnë ekipet e Interit dhe Milanit, zyrtarisht është hapur në vitin 1926, ndërsa kapaciteti i tij i tanishëm është pothuaj 80.000 vende.

Ky është konkluzioni nga raporti i ri i Ministrisë së Kulturës së Italisë, ku thuhet se stadiumi i “rosonerëve” dhe “neroazurëve”, “nuk ka vlerë kulturore”.

Të dy klubet paradokohe kanë shprehur dëshirë që të ndërtojnë stadium të ri të përbashkët.

Kësaj ideje iu kundërshtua prefekti i Milanos, Bepe Sala, i cili vlerëson se stadiumi aktual duhet të rinovohet.

Megjithatë, plani i tij është refuzuar.

Ky stadium është rikonstruktuar në vitet e 50-ta dhe 90-ta, por pasi ato intervenime nuk janë më të vjetra se 70 vjet, ai nuk mund të mbrohet si e mirë arkitektonike dhe për këtë shkak do të rrënohet.

Në vendin e tij do të ndërtohen hotele, parqe si dhe qendër sportive.