Shkëndija e shkarkon trajnerin Akrapoviç

Shkëndija e shkarkon trajnerin Akrapoviç

Trajneri i Shkëndisë Bruno Akrapoviç nuk është më pjesë e klubit, pasi drejtuesit kanë vendosur ta pushojnë nga detyra.

Jeton Beqirit i besohet pankina deri në vendimin e rradhës.

Drejtuesit e KF Shkëndija kanë thirrur mbledhje urgjente për të analizuar gjendjen në klub pas dy humbjeve të njëpasnjëshme në Tetovë nga Vardari dhe Shkupi.

Pas një analize të detajuar të situatës aktuale, drejtuesit vlerësojnë se është humbur një momentum i rëndësishëm për ecurinë e ekipit në kampionat. Pas këtij ambienti të krijuar drejtuesit marrin vendim që ta pushojnë nga detyra shefin e stafit teknik Bruno Akrapoviç, shkruan ueb faqja zyrtare e ekipit tetovarë.

KF Shkëndija falemenderon Bruno Akrapoviçin për kontributin e dhënë në skuadër dhe sukseset e arritura gjatë periudhës që ishte pjesë e klubit, duke i dëshiruar gjithë të mirat në të ardhmen.

Ndërkohë drejtuesit kanë vendosur që në vazhdim udhëheqjen e ekipit t’ia besojnë ndihmës trajnerit të deritashëm Jeton Beqiri, i cili edhe më herët ka qenë në këtë pozitë.

Please publish modules in offcanvas position.