Се продлабочува кризата во струшкиот основен суд во однос на недостатокот на судии.Старите заминуваат во пензија, а нов кадар не се прима.Правната фела од градот е загрижена за своите клиенти, за кои велат дека неможат да добијат навремена правда.
„Ние имаме предмети кои не можеме да ги решаваме и кои не можеме да ги почнеме.Во Струга се останати двајца граѓански судии кои на работа имаат по најмалку 500 предмети. 500 предмети вие неможете да ги прочитате,да ги разгледате, а не пак да ги пишуваат и да ги анализираат.Правдата доцни веќе.Досега во однос на роковите утврдени со законот,се почитуваше рокот, веќе почнува рокот да се пробива и со по 30, 50 дена и повеќе“, изјави Ардиан Демири-адвокат.
Од потребните 15 судии, струшкиот суд работи со само шест судии.Годинава со навршени 64 години ќе заминат во пензија двајца судии, а следната година уште еден.
„Премногу се оптоварени, премногу предмети се примени во работа, како од судиите што заминаа во пензија, така и нови што доаѓаат. Состојбата е навистина страшна и возменимирувачка.Судиите во овој суд работа и после работно време, остануват и прекувремено. Дури и дома земаат предмети во работа, што не е дозволено“, рече Ифет Бајрамоски-претседател на Основен суд Струга.
Адвокатот Демири вели дека една од главните причина за недостигот на судии е начинот на избор на судии во земјава, кој треба да претрпе измени.
