Премиерот на Албанија Еди Рама ја одржа првата седница на владата од третиот мандат

Премиерот на Албанија Еди Рама ја одржа првата седница на владата од третиот мандат

Премиерот на Албанија Еди Рама ја одржа првата седница на владата од третиот мандат, веднаш по заклетвата дадена кај Претседателот на државата.

Првата одлука на новата влада беше онаа во врска со етичкиот кодекс на владата, кој мора да го спроведе секој министер или негов заменик. Според кодексот, членовите на владата не треба да патуваат со бизнис класа, ниту можат да одмараат во странство или да ручаат и да вечераат додека се на работа.

„Ниту едно службено патување во странство со државни пари и во центри или региони што не добило одобрение од Министерствата за Европа и за надворешни работи, не се смета во согласност со владината етика. Ќе има санкции за секое прекршување на етичките норми. Трошоците за работни посети во странство кои не се затвораат со поднесување извештај за таа посета до министерството, не ги плаќа државата“.

Портпаролот на пратеничката група на Демократската партија, реагираше ,велејќи дека премиерот Рама фрла пепел во очите на Албанците, претставувајќи го Етичкиот кодекс како новина.

„Дегутантната пропаганда на најкорумпираната влада на Балканот, која плаќаше за ноќевања во хотели по 700 евра, како новина го претставува етичкиот кодекс од 2013 година. Тоа се користи за да се фрли пепел во очите на граѓаните. Сите се сеќаваме колку„ етички “ беше воспоставен системот на непотизам во владата, како„ етички “ браќата и братучедите на министрите уживаа во недопирливоста за да станат богови на трговијата со дрога “, се вели во реакцијата на Пампури.

Кабинетот на третиот мандат на социјалистите се состои од 15 министри, од кои четири министри се без ресор. На чело на 12 министерства ќе бидат жени и со уште три ќе раководат мажи.Програмата на новата Влада се фокусира на реконструкција по земјотресот и справувањето со пандемијата во 2019 година, благосостојбата на граѓаните; модернизација за развој на производствена економија, семејството и зајакнување на владеењето на правото.