Црна Гора протерува шестмина руски дипломати

Црна Гора протерува шестмина руски дипломати

Министерството за надворешни работи на Црна Гора прогласи за персона нон грата шестмина дипломати на Амбасадата на Руската Федерација акредитирани во Црна Гора.

Министерството на Твитер соопшти дека одлуката е донесена поради активности кои се во спротивност со Виенската конвенција за дипломатски односи и односи на заемно почитување и почитување меѓу двете земји.

Во март, април и август годинава, Министерството за надворешни работи прогласи вкупно шест руски дипломати за непожелни во Црна Гора.

Во веста се наведува дека двајца црногорски државјани, шестмина вработени во руската амбасада и неколку руски државјани се под истрага поради сомнение дека работеле за руската разузнавачка служба.