Објавен првиот повик за директна бескаматна поддршка на угостителството, туризмот и товарниот транспорт

Објавен е првиот повик за директна кредитна поддршка на микро, малите и средните претпријатија преку Развојната банка на Северна Македонија.

Како што соопшти денеска директорот на Банката, Кире Наумов, во оваа прва фаза ќе се кредититраат најпогодените сектори: угостителството, туризмот и товарниот транспорт, а целта е првично да ги надминат проблемите со ликвидноста. Аплицирањето може да почне од ноќеска на полноќ

Висината на кредитите ќе зависи од големината на компанијата, односно од бројот на вработени, а минималниот износ е 3.000 евра. Микро компаниите со максимум 10 вработени ќе може да аплциираат за кредит од 3.000 до 5.000 евра, малите компании со 10 до 50 вработени за 10.000 до 15.000 евра, а средните компании со 50 до 250 вработени за кредит од 15.000 до 30.000 евра.

Каматата за кредитите е нула проценти, отплатата 24 месеци, а грејс периодот шест месеци.

Според Наумов, поддршката со бескаматните кредити ќе продолжи и ќе се прошири на другите сектори кои дополнително ќе се утврдат.

-Почитувајќи ги пепораките за заштита на јавното здравје, аплицирањето за кредитите од јавниот повик ќе бдие елеткронски, а потребната документација ќе се доставува на меил адресата: Оваа е-адреса е заштитена од спамботови. Треба да ви е овозможено JavaScript за да ја видите., истакна Наумов.

Владата минатата недела на прес-конференција соопшти дека ќе се обезбеди директна финансиска поддршка за задржување на ликвидноста на микро, малите и средните компани и субвенционирање на придонесите за април, мај и јуни, како дел од првиот сет мерки за справување со последиците од коронавирусот. Како што рече тогаш вицепремиерката за економски прашања Мила Царовска, обезбедени се 5,7 милиони евра од Развојната банка кои ќе се наменат за микро, малите и средни компании чија економска активност е погодена од КОВИД-19. Секоја компанија во зависност од бројот на вработени ќе може да добие од 3.000 до 30.000 евра.

Please publish modules in offcanvas position.