Во изминатите три дена регистрирани 179 нови заболени од Ковид 19, пријавени шест починати лица, оздравеле 347 пациенти

Во изминатите три дена регистрирани 179 нови заболени од Ковид 19, пријавени шест починати лица, оздравеле 347 пациенти

Во последните три дена од изминатиот викенд (9-11 септември), направени се 1.286 тестови, а регистрирани се 179 нови случаи на КОВИД-19 од кои 36 се реинфекции, информира Министерството за здравство согласно податоците од Институтот за јавно здравје.

Од новите случаи најголем број има регистрирано во Скопје – 94, Битола – 16 и Куманово – 11. Регистрирани сe и 347 оздравени пациенти.

Во текот на изминатите три дена пријавени се две починати лица, по едно лице од Скопје (79г) и Валандово (86г). Лицата се починати во болнички услови. Согласно Регистарот на умрени лица со дијагноза КОВИД-19 од Мој Термин регистрирани се четири починати лица, по едно починато лице од Скопје, Битола, Охрид и Крушево, на возраст од 71 – 89г. Три лица се починати во болнички услови и едно лице е починато во домашни услови. Лицата се починати во период од 25.08. до 01.09.2022 година.
Досега во земјата се направени вкупно 2.158.164 тестирање на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 341.583, бројот на оздравени пациенти е 331.213, на починати е 9.512, а бројот на активни случаи изнесува 858. Најмногу активни случаи има во Скопје 377, во Битола 82 и 50 во Прилеп. Нема активни случаи во Дебар, Богданци, Демир Капија, Пехчево и во Дојран.