Министерот за образование Јетон Шаќири не прецизираше дали учебната година ќе заврши на 10 или 13 јуни поради продолжувањето на зимскиот распуст.
Важно е да се завршат 180 дена од календарот за настава, па евентуални дополнителни 3 дена по 10 јуни, не претставуваат никаков проблем. Основците и средношколците ќе се вратат на настава на 23 јануари, а не на 18 како што беше претходно планирано за да се штеди за греење и да се заштити здравјето на учениците.