ОН: Во Јемен годинава има 460.000 регистрирани слуачи на колера

Од почетокот на годината во воено разурнатиот Јемен се регистрирани над 460.000 случаи на колера, информираат ОН.

Светските агенции забележуваат дека овие бројки покажуваат драстично зголемување на болните во однос на 2018 година, кога имало 380 000 заболени.

Од почетокот на јануари се регистрирани и 705 смртни случаи, за кои се претпоставува дека се предизвикани од колера, што е огромно зголемување во однос на ланските 75 случаи.

Ширењето на колерата е забрзано од неодамнешните поплави, лошата поддршка на системот за управување со отпадните води и недостигот на пристап до чиста вода, посочуваат ОН.

Организацијата и нејзините партнери во Јемен управуваат со приближно 1.200 центри за лекување на колера, но нивното финансирање и натаму останува горлив проблем, наведува портпаролот на светската организација.

Од побарните 4,2 милијарди долари за хуманитарна помош за 20 милиони Јеменци ОН обезбедиле едвај 32 проценти. 

Please publish modules in offcanvas position.