Barselona do të luajë në finalen e Kupës së Mbretit, pasi në dy ndeshjet kundër Atletiko Madridit ishte më e suksesshme.
Katalonasit mbrëmë si vendas luajtën baraz 1:1 dhe me rezultat të përgjithshëm 3:2 u plasuan në finale.
Me golin e Luis Suarez në minutën e 43-të, ekipi katalunas erdhi në epërsi, ndërsa rezultatin përfundimtar e shënoi Kevin Gameiro në minutën e 83-të. Lojtari i njëjtë tre minuta më herët nuk realizoi penalti për Atletikon.
Barcelona mbeti fillimisht me 10 lojtarë, pasi Serhi Roberto u ndëshkua me kartonin e dytë të verdhë.
Por edhe Janik Karasko i Atletiko Madridit kishte të njëjtin fat pas 10 minutash.
Në fund edhe Luis Suarez u ndëshkua me karton të kuq.
Kundërshtar i Barselonës në finale do të jetë më miri nga ndeshja gjysmëfinale e dytë mes Selta Vigos dhe Alavesit. Ndeshja e parë e tyre në Vigo përfundoi me rezultatin 0:0.
